by సూర్య | Fri, Oct 25, 2024, 05:16 PM

వెంకీ అట్లూరి దర్శకత్వంలో మాలీవుడ్ స్టార్ హీరో దుల్కర్ సల్మాన్ తన రాబోయే చిత్రాన్ని ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'లక్కీ బాస్కర్' అనే టైటిల్ ని లాక్ చేసారు. ఈ సినిమా అక్టోబర్ 31న దీవాలి సందర్భంగా విడుదల కానుంది. కొన్ని నెలల క్రితం విడుదలైన టీజర్ మరియు పాటలకు మంచి స్పందన లభించడంతో లక్కీ బాస్కర్ పై భారీ అంచనాలు ఏర్పడ్డాయి. ఈ సినిమా ప్రమోషన్స్ ని మూవీ మేకర్స్ ఇటీవలే ప్రారంభించారు. చిత్రం చుట్టూ ఉన్న ఉత్కంఠను మరింత పెంచడానికి మేకర్స్ అక్టోబర్ 27, 2024న హైదరాబాద్‌లో ప్రీ-రిలీజ్ ఈవెంట్‌ని షెడ్యూల్ చేసారు. ఈ ఈవెంట్ JRC కన్వెన్షన్‌లో సాయంత్రం 6 గంటలకు ప్రారంభమవుతుంది. లేటెస్ట్ రిపోర్ట్స్ ప్రకారం, ప్రముఖ దర్శకుడు త్రివిక్రమ్ శ్రీనివాస్ ముఖ్య అతిథిగా హాజరవుతారు అని ఫిలిం సర్కిల్ లో వార్తలు వినిపిస్తున్నాయి. ఈ బహుభాషా చిత్రంలో మీనాక్షి చౌదరి కథానాయికగా నటించింది. ఈ చిత్రంలో సాయి కుమార్, మానస చౌదరి, రాంకి, హైపర్ ఆది, సూర్య శ్రీనివాస్ మరియు ఇతర ముఖ్యమైన పాత్రలలో నటిస్తున్నారు. శ్రీకరా స్టూడియోస్ సమర్పణలో సితార ఎంటర్‌టైన్‌మెంట్స్ మరియు ఫార్చూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య నిర్మిస్తున్న ఈ చిత్రానికి జివి ప్రకాష్ కుమార్ సంగీతం అందించారు.