by సూర్య | Mon, May 06, 2024, 05:26 PM

సుకుమార్ దర్శకత్వంలో టాలీవుడ్ ఐకాన్ స్టార్ అల్లు అర్జున్ 2019లో బ్లాక్‌బస్టర్ మూవీస్ లో ఒకటైన పుష్ప: ది రైజ్‌కి సీక్వెల్ గా పుష్ప 2: ది రూల్ సినిమా చేస్తున్న సంగతి అందరికి తెలిసిందే. ఇటీవలే మూవీ మేకర్స్ ఈ సినిమాలోని మొదటి సింగిల్ ని పుష్ప పుష్ప అనే టైటిల్ తో విడుదలా చేయగా, ఈ హై-ఎనర్జీ ట్రాక్ బహుళ భారతీయ భాషలలో 50 మిలియన్లకు పైగా వీక్షణలను సంపాదించింది.

మొదటి పాటకు పాజిటివ్ రెస్పాన్స్ రావడంతో ఎగ్జైట్‌గా ఉన్న టీమ్ వచ్చే నెలలో సెకండ్ ట్రాక్‌ని రిలీజ్ చేస్తారనే టాక్ వినిపిస్తోంది. దీనికి సంబంధించిన మరిన్ని వివరాలు త్వరలో రానున్నాయి. ఈ సినిమాలో అల్లు అర్జున్‌కి జోడీగా రష్మిక మందన్న నటిస్తుండగా, ఫహద్ ఫాసిల్ భన్వర్ సింగ్ షెకావత్ అనే పోలీసాఫీసర్ పాత్రను పోషిస్తున్నాడు.

ఈ చిత్రంలో అనసూయ భరద్వాజ్, సునీల్, జగదీష్ తదితరులు ముఖ్యమైన పాత్రలు పోషిస్తున్నారు. దేవి శ్రీ ప్రసాద్ సంగీతం అందించిన పుష్ప 2ని మైత్రీ మూవీ మేకర్స్ ప్రతిష్టాత్మకంగా నిర్మిస్తోంది. ఈ సినిమా ఆగష్టు 15, 2024న విడుదల కానుంది.