నాగ చైతన్య - కార్తీక్ వర్మ చిత్రంలో పూజ హెడ్గే

కార్తీక్ వర్మ దండు విరూపాక్ష చిత్రంతో సెన్సషనల్ హిట్ ని అందుకున్నాడు. ఈ సినిమా సాయి ధరమ్ తేజ్ కెరీర్‌ లో బెస్ట్ చిత్రంగా నిలిచింది. కొద్ది రోజుల క్రితం, చిత్ర నిర్మాతలు ఈ సినిమాకి సీక్వెల్ ని ప్రకటించారు. అయితే ఈ సినిమాలో సాయిధరమ్ తేజ్ ప్రధాన పాత్రలో నటిస్తాడా లేదా అనే విషయంపై ఇంకా క్లారిటీ లేదు.

ఈ సినిమా కథా కథనం కోసం కార్తీక్ నాగ చైతన్యను కలిశాడని ఈ కథకు చై తన ఆమోదం తెలిపినట్లు సమాచారం. అతి త్వరలో, ఈ ప్రాజెక్ట్ గురించి నిర్మాతలు ధృవీకరించనున్నారు. తాజాగా ఇప్పుడు ఈ సినిమాలో నాగ చైతన్య సరసన సిజ్లింగ్ బ్యూటీ పూజ హెడ్గే జోడిగా కనిపించనున్నట్లు సోషల్ మీడియాలో లేటెస్ట్ టాక్.