by సూర్య | Fri, Apr 12, 2024, 03:23 PM

సుకుమార్ దర్శకత్వంలో టాలీవుడ్ ఐకాన్ స్టార్ అల్లు అర్జున్ 2019లో బ్లాక్‌బస్టర్ మూవీస్ లో ఒకటైన పుష్ప: ది రైజ్‌కి సీక్వెల్ గా పుష్ప 2: ది రూల్ సినిమా చేస్తున్న సంగతి అందరికి తెలిసిందే. తెలుగు చిత్రసీమలో అత్యంత ఆసక్తిగా ఎదురుచూస్తున్న చిత్రాలలో పుష్ప 2 ఒకటి. అల్లు అర్జున్ పుట్టినరోజున టీజర్ విడుదలైనప్పటి నుండి ఈ సినిమాపై అంచనాలు తదుపరి స్థాయికి వెళ్ళాయి.

ఈ సినిమా యొక్క అన్ని భాషల ఆడియో హక్కులను టి-సిరీస్ దక్కించుకున్న సంగతి తెలిసిందే. భూషణ్ కుమార్థ అన్ని భాషల సంగీత హక్కుల కోసం దాదాపు 60 కోట్ల రూపాయలకు పైగా ఖర్చు చేసినట్లు లాటెట్స్ టాక్. ఈ సినిమా ఆగష్టు 15, 2024న విడుదల కానుంది.

ఈ సినిమాలో అల్లు అర్జున్‌కి జోడీగా రష్మిక మందన్న నటిస్తుండగా, ఫహద్ ఫాసిల్ భన్వర్ సింగ్ షెకావత్ అనే పోలీసాఫీసర్ పాత్రను పోషిస్తున్నాడు. ఈ చిత్రంలో అనసూయ భరద్వాజ్, సునీల్, జగదీష్ తదితరులు ముఖ్యమైన పాత్రలు పోషిస్తున్నారు. దేవి శ్రీ ప్రసాద్ సంగీతం అందించిన పుష్ప 2ని మైత్రీ మూవీ మేకర్స్ ప్రతిష్టాత్మకంగా నిర్మిస్తోంది.