నెట్‌ఫ్లిక్స్ గ్లోబల్ చార్ట్‌లలో 'గుంటూరు కారం' జోరు

త్రివిక్రమ్ శ్రీనివాస్‌ దర్శకత్వంలో టాలీవుడ్ సూపర్ స్టార్ మహేష్ బాబు నటించిన 'గుంటూరు కారం' చిత్రం యొక్క డిజిటల్ హక్కులను నెట్‌ఫ్లిక్స్ సొంతం చేసుకున్న సంగతి అందరికి తెలిసిందే. ఇటీవలే ఈ సినిమా ఫిబ్రవరి 9, 2024న తెలుగు, తమిళం, మలయాళం, కన్నడ మరియు హిందీలలో డిజిటల్ స్ట్రీమింగ్ కి అందుబాటులోకి వచ్చింది.

లేటెస్ట్ అప్డేట్ ప్రకారం, గుంటూరు కారం ప్రపంచవ్యాప్తంగా నాన్-ఇంగ్లీష్ చిత్రాల కేటగిరీలో నెట్‌ఫ్లిక్స్ యొక్క గ్లోబల్ టాప్ 10 చార్ట్‌లో రెండు స్థానాలను పొందింది. తెలుగు వెర్షన్ 2 మిలియన్లకు పైగా వీక్షణలతో 6వ స్థానంలో ఉండగా హిందీ వెర్షన్ 1.1 మిలియన్లకు పైగా వీక్షణలతో 10వ స్థానంలో ఉంది.

ఈ సినిమాలో మహేష్ బాబు సరసన శ్రీలీల కథానాయికగా నటిస్తోంది. మీనాక్షి చౌదరి, రావు రమేష్, ప్రకాష్ రాజ్, జగపతి బాబు, రమ్య కృష్ణన్, ఈశ్వరీ రావు, మరియు వెన్నెల కిషోర్ ఈ సినిమాలో కీలక పాత్రల్లో నటించారు. థమన్ ఈ చిత్రానికి సంగీతం అందించారు. ఈ సినిమాని హారిక అండ్ హాసిని క్రియేషన్స్ నిర్మించింది.