by సూర్య | Tue, Dec 05, 2023, 03:23 PM

కన్నడ నటి రష్మిక మందన్న తన ఇటీవలి చిత్రం యానిమల్‌ తో నెటిజన్ల నుండి ప్రశంసలు అందుకుంది. యానిమల్ ప్రొమోషన్స్ లో పాల్గొన్న కూడా విరామం లేకుండా విజయ్ దేవరకొండ ఫ్యామిలీ స్టార్ లో అతిధి పాత్రను సజావుగా చిత్రీకరించింది. లేటెస్ట్ అప్‌డేట్‌ ప్రకారం, ఈరోజు తన తదుపరి ప్రాజెక్ట్స్ లో ఒకటైన గర్ల్‌ఫ్రెండ్ సెట్స్‌లో జాయిన్ అవుతున్నట్లు వెల్లడించింది. 20 రోజుల పాటు జరిగే ఈ మొదటి షెడ్యూల్‌లో రష్మికతో పాటు కొంతమంది ప్రముఖ నటీనటులు కూడా పాల్గొంటున్నారు.

జాతీయ అవార్డు గ్రహీత రాహుల్ రవీంద్రన్ దర్శకత్వం వహించిన ఈ చిత్రాన్ని అల్లు అరవింద్ సమర్పణలో మాస్ మూవీ మేకర్స్ మరియు ధీరజ్ మొగిలినేని ఎంటర్‌టైన్‌మెంట్ బ్యానర్‌లపై విద్యా కొప్పినీడి మరియు ధీరజ్ మొగిలినేని నిర్మించారు. హేషమ్ అబ్దుల్ వహాబ్ సంగీతం అందించిన ఈ చిత్రానికి భారీ అంచనాలు ఉన్నాయి. ఈ ప్రాజెక్ట్ గురించి మరిన్ని వివరాలు మూవీ మేకర్స్ త్వరలో వెల్లడి చేయనున్నారు.