డుంకీని బీట్ చేసిన 'సాలార్'

ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. తాజాగా మూవీ మేకర్స్ ఈ సినిమా ట్రైలర్ ని విడుదల చేసారు. తాజా అప్డేట్ ప్రకారం, డంకీ డ్రాప్ 1 వీక్షకుల సంఖ్యను ఈ సినిమా ట్రైలర్ అధిగమించింది. డుంకీ డ్రాప్ 1 ఇప్పటికే యూట్యూబ్‌లో 50 మిలియన్లకు పైగా వీక్షణలను సంపాదించింది, సాలార్ హిందీ ట్రైలర్ కేవలం 19 గంటల్లోనే ఈ ఫీట్‌ను సాధించింది. సాలార్ అన్ని భాషలలో 116 మిలియన్ల వీక్షణలను మరియు 2.7 మిలియన్ లైక్‌లను సంపాదించింది.

ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.