by సూర్య | Fri, Sep 30, 2022, 01:38 PM
పవర్ స్టార్ పవన్ కళ్యాణ్ నటిస్తున్న తొలి పాన్ ఇండియా మూవీ "హరిహర వీరమల్లు". జాగర్లమూడి క్రిష్ డైరెక్షన్లో పీరియాడికల్ యాక్షన్ డ్రామాగా రూపొందుతున్న ఈ సినిమాలో నిధి అగర్వాల్ హీరోయిన్ గా నటిస్తుంది.
ఈ మూవీ షూటింగ్ మొదలైనప్పటి నుండి అన్ని ఆటంకాలే. పవన్ రాజకీయాలు, కోవిడ్, ఇంకా పలు రకాల కారణాల వల్ల పలుమార్లు వాయిదా పడుతూ వస్తున్న ఈ మూవీ షూటింగ్ అక్టోబర్ 17నుండి న్యూ షెడ్యూల్ స్టార్ట్ అవ్వబోతుందని ప్రచారం జరుగుతుంది.
ఈ నేపథ్యంలో HHVM వర్క్ షాప్ లో పాల్గొన్న పవన్ పిక్ ఒకటి సోషల్ మీడియాలో ఫుల్ ట్రెండ్ అవుతుంది. ఈ పిక్ ను కీరవాణి గారు సోషల్ మీడియాలో షేర్ చెయ్యగా, క్షణాల్లోనే వైరల్ గా మారింది. విశేషమేంటంటే, ఈ పిక్ లో పవన్ టీ షర్ట్, జీన్స్ ధరించి, చాన్నాళ్ల తదుపరి ప్రేక్షకులకు సూపర్ కూల్ లుక్ లో కనిపించి కనువిందు చేసారు.