by సూర్య | Tue, Jan 11, 2022, 12:52 PM
హీరో ధనుష్- దర్శకుడు వెంకీ అట్లూరి కాంబినేషన్ లో ఒక సినిమా వస్తుంది అని అఫీషియల్ గా ప్రకటించారు. ద్విభాషా సినిమాగా రూపొందుతున్న ఈ చిత్రానికి తమిళంలో"వాతి" అని తెలుగులో "సర్" గా టైటిల్ ప్రకటించారు. తాజాగా ఈ సినిమా పూజా కార్యక్రమం లాంఛనంగా జరిగింది. గత వారం నుండి షూటింగ్ కూడా ప్రారంభమైంది. ఈ సినిమాలో మలయాళ నటి సంయుక్తా మీనన్ని కథానాయికగా తీసుకున్నారు. అయితే ఇప్పుడు ఈ ప్రాజెక్ట్ నుంచి సంయుక్తా మీనన్ తప్పుకున్నట్లు వార్తలు వినిపిస్తున్నాయి. మేకర్స్ ప్రస్తుతం మరో నటి కోసం చూస్తున్నారు అని పుకార్లు వస్తున్నాయి . అయితే తాజాగా చిత్ర బృందం అధికారిక ఈ వార్తల్లో నిజం లేదని మరియు ఇది నిరాధారమైన పుకార్లు అని వెళ్ళడించింది. సంయుక్తా మీనన్ ఈ సినిమాలో నటించబోతుంధీ అనే క్లారిటీ చిత్ర బృందం ఇచ్చారు. సితార ఎంటర్టైన్మెంట్స్ మరియు ఫార్చూన్ ఫోర్ సినిమాస్ బ్యానర్లపై సూర్య దేవర నాగవంశీ మరియు సాయి సౌజన్య సంయుక్తంగా "సర్" చిత్రాన్ని నిర్మిస్తున్నారు. ఈ సినిమాతో పాటు శేఖర్ కమ్ముల దర్శకత్వంలో మరో తమిళ-తెలుగు ద్విభాషా చిత్రాన్ని కూడా ధనుష్ అధికారికoగ ప్రకటించారు. ఈ సినిమా ఇంకా సెట్స్ పైకి రాలేదు
Latest News