by సూర్య | Fri, Jan 24, 2020, 07:01 PM

సంక్రాంతికి విడుదలైన సరిలేరు నీకెవ్వరు సినిమా ఎలాంటి వసూళ్ల వర్షం కురిపిస్తుందో ప్రత్యేకంగా చెప్పాల్సిన అవసరం లేదు. మహేష్ కెరీర్లోనే బిగ్గెస్ట్ హిట్ దిశగా అడుగులేస్తుంది ఈ చిత్రం. అనిల్ రావిపూడి తెరకెక్కించిన ఈ చిత్రం ఇప్పటికే 100 కోట్ల మార్క్ అందుకుంది. 10 రోజుల్లోనే ఈ చిత్రం 120 కోట్ల మార్క్ అందుకుందని చిత్ర నిర్మాతలే అనౌన్స్ చేసారు. జనవరి 11న విడుదలైన ఈ చిత్రం తొలిరోజు నుంచే రికార్డుల వేట మొదలుపెట్టింది. రెండు వారాలు ముగిసిన తర్వాత ఈ చిత్రం దూకుడు కాస్త తగ్గిపోయింది. దాంతో ప్రమోషన్స్ బాగా గట్టిగా చేస్తున్నారు దర్శక నిర్మాతలు. మరో వారం రోజులైనా సినిమా థియేటర్స్‌లో ఉండాలన్నా.. అల వైకుంఠపురములో ధాటి తట్టుకోవాలన్నా కూడా కచ్చితంగా ఏదో ఓ మ్యాజిక్ చేయాల్సిందే. అందుకే ఈ చిత్రంలో మరిన్ని కొత్త సన్నివేశాలు యాడ్ చేయబోతున్నారు మేకర్స్. ఇదే విషయాన్ని అనిల్ రావిపూడి మీడియాకు తెలిపాడు. మహేష్, రావు రమేష్ మధ్య వచ్చే ట్రైన్ ఎపిసోడ్‌లో వచ్చే ఓ కామెడీ సీన్ చాలా బాగుంటుందని.. షూట్ టైమ్‌లోనే అది తాము చాలా ఎంజాయ్ చేసామని తెలిపాడు అనిల్. నిడివి కారణంగా దాన్ని ముందు తీసేసినా ఇప్పుడు యాడ్ చేస్తున్నామని చెప్పాడు అనిల్ రావిపూడి. కచ్చితంగా ఈ సీన్‌తో పాటు మరో సీన్ కూడా కొత్తగా జత చేరుస్తున్నామని చెప్పారు .అయితే  రేపటి  సరిలేరు నీకెవ్వరు  నుంచి కొత్త సీన్స్ ఆడ్ చేయనున్నారు. మరి కొత్తగా యాడ్ చేయబోయే సన్నివేశాలు తో సరిలేరు కలెక్షన్స్ ని ఎలా పెరుగనున్నాయి చూడాలి?