by సూర్య | Sat, May 14, 2022, 11:36 AM

క్షుద్రపూజలు చేస్తున్నాడనే అనుమానంతో ఓ యువకుడు తన మేనమామను దారుణంగా హత్య చేశాడు. గొడ్డలితో నరికి తల, మొండాన్ని వేరు చేశాడు. ఆ తర్వాత తలను చేతిలో పట్టుకొని ఊరంతా తిరిగాడు. ఈ దారుణ ఘటన మధ్యప్రదేశ్​ రాష్ట్రం సీధీ జిల్లాలోని కరి మాటి గ్రామంలో జరిగింది. నిందితుడిని రవీంద్ర సింగ్ గౌర్​(26)గా గుర్తించారు. అతడిని పోలీసులు అదుపులోకి తీసుకున్నారు.

కొన్నేళ్ల క్రితం రవీంద్ర సింగ్ తండ్రి చనిపోయాడు. అయితే తన తండ్రి చావుకు మేనమామ మక్సుదన్ సింగ్ గౌర్ (60) కారణమంటూ రవీంద్ర ఆరోపించేవాడు. అతడు క్షుద్రపూజలు చేయడం వల్లే తన తండ్రి చనిపోయాడని చెప్పేవాడు. ఈ క్రమంలోనే మక్సుదన్ ​పై ప్రతీకారం తీర్చుకుంటానని గతంలోనే చెప్పాడు. ఇప్పుడు ఏకంగా చంపేశాడు. నిందితుడిని అదుపులోకి తీసుకున్నామని పోలీసులు తెలిపారు. కేసు నమోదు చేసుకున్నట్లు వెల్లడించారు.