by సూర్య | Sat, Jan 09, 2021, 09:32 AM

అహ్మదాబాద్ (గుజరాత్): వెటరన్ కాంగ్రెస్ పార్టీ నాయకుడు, గుజరాత్ మాజీ సీఎం మాధవసిన్హా సోలంకి శనివారం ఉదయం కన్నుమూశారు. 94 ఏళ్ల వయసుగల సోలంకి గుజరాత్ సీఎంతో పాటు కేంద్ర విదేశీ వ్యవహారాల శాఖ మంత్రిగా పనిచేశారు. వృత్తిరీత్యా న్యాయవాది అయిన సోలంకి 1980వ సంవత్సరంలో క్షత్రియ, హరిజన్, ఆదివాసీ, ముస్లిమ్ ఫార్ములాతో గుజరాత్ సీఎంగా ఎన్నికయ్యారు. 1976వ సంవత్సరంలో కొంత కాలం సోలంకి సీఎంగా పనిచేశారు. మళ్లీ 1981లోనూ సీఎం అయిన సోలంకి ఆర్థికంగా వెనుకబడిన తరగతులకు విద్యా, ఉద్యోగాల్లో రిజర్వేషన్ కల్పించారు.1985వ సంవత్సరంలో మాధవసిన్హా సోలంకి రాజీనామా చేశారు.సోలంకి మృతి పట్ల పలువురు నేతలు సంతాపం తెలిపారు.