byసూర్య | Fri, Mar 14, 2025, 06:06 PM

నకిలీ నోట్లు చలామణి చేస్తున్న ముఠాను ఎల్బీనగర్ పోలీసులు గురువారం అరెస్టు చేసి.. వారి వద్ద నుంచి భారీ మొత్తం నకిలీ నోట్లను స్వాధీనం చేసుకున్నారు. దాదాపు రూ.11 లక్షలకు పైగా నకిలీ నోట్లను స్వాధీనం చేసుకోగా.. రూ.4 లక్షలు అసలు కరెన్సీ నోట్లను స్వాధీనం చేసుకున్నారు పోలీసులు. వీటితో పాటే.. 10 నకిలీ బిస్కెట్లను కూడా వారి వద్ద నుంచి పోలీసులు స్వాధీనపరచుకున్నారు. ఈ వ్యవహారంలో మొత్తం 7గురిని అరెస్టు చేశారు.

ఒరిజినల్ కరెన్సీ రూ.లక్ష ఇస్తే.. వారికి రూ.4 లక్షల వరకు నకిలీ కరెన్సీలు ఇస్తామని ఆశ చూపెట్టి.. ఇలాంటి మోసాలకు పాల్పడుతున్నారు. పోలీసుల వివరణ ప్రకారం.. మోసం చేసిన వ్యక్తుల్లో ప్రముఖంగా నిజాంపేటకు చెందిన చిన్నోళ్ల మాణిక్యరెడ్డి, అతడి మిత్రులు ఉన్నారు. మాణిక్య రెడ్డి పెద్ద అంబర్ పేటలో నివాసం ఉంటున్నాడు. అతడి వద్ద ఇతర ప్రాంతాలనుండి చేరిన ముఠా సభ్యులు ఉన్నారు. మాణిక్యరెడ్డి.. అతడి వ్యాపారంలో నష్టపోయిన తర్వాత డబ్బు సంపాదించేందుకు వివిధ మార్గాలు అన్వేషించాడు. ఈ సమయంలో.. అతడు అక్రమ మార్గాల ద్వారా డబ్బు సంపాదించే మార్గాలను నెట్ లో వెతుకుతుండగా.. అతడికి గుజరాత్‌లోని అహ్మదాబాద్‌కు చెందిన సురేశ్‌ పరిచయం అయ్యాడు. అతడు రూ.లక్ష నగదు తీసుకుని మాణిక్యరెడ్డికి రూ.4 లక్షల నకిలీ కరెన్సీ నోట్లను ఇచ్చాడు.

ఇక్కడి నుండి మోసానికి మొదటి నాంది పడింది. మాణిక్యరెడ్డి.. తన పక్కన ఉన్న వ్యక్తులతో కలిసి, నకిలీ నోట్లను చలామణి చేయడం మొదలు పెట్టాడు. అతడు నల్గొండ జిల్లా పారపల్లిగూడేకు చెందిన మామిళ్ల జానయ్య.. రంగారెడ్డి జిల్లా లోయపల్లికి చెందిన బిలకంటి భరత్ కుమార్తో కలిసి ముఠా కట్టాడు. ఇలా వీరితో నకిలీ నోట్లు అమ్మడం మొదలు పెట్టారు.

అయితే.. ఈ నేరంలో భాగంగా.. మహబూబ్‌నగర్ జిల్లా ముచ్చింతలకు చెందిన జెల్లా వెంకటేశ్‌, రంగారెడ్డి జిల్లా మహమ్మదాబాద్‌కు చెందిన డొంకని సత్యనారాయణ, మహబూబాబాద్ జిల్లా వెంకటాపురానికి చెందిన గుండాల వెంకటేశ్, విశాఖపట్నం కంచరపాలెం గ్రామానికి చెందిన శివశంకర్తో కలసి ఈ నకిలీ నోట్ల చలామణి వ్యవహారాన్ని పెంచారు. ఈ మొత్తం ముఠా కలిసి.. ప్రజలను మోసం చేసేందుకు భారీ స్థాయిలో నకిలీ నోట్ల వ్యవహారం మొదలు పెట్టారు. ఈ నకిలీ నోట్ల ముఠా గురించి ఎల్బీనగర్ పోలీసులకు సమాచారం అందడంతో.. వారు గుట్టుగా దర్యాప్తు చేపట్టి.. ఈ నేరగాళ్లను అరెస్టు చేశారు. వారి వద్ద నుంచి రూ.4 లక్షల అసలు కరెన్సీ నోట్లు, రూ.11.5 లక్షల నకిలీ నోట్లు, 10 నకిలీ బంగారు బిస్కెట్లు స్వాధీనం చేసుకున్నారు.

ఈ అరెస్ట్‌లు కేవలం నకిలీ నోట్ల చలామణికి సంబంధించిన ముఠాను తప్పించడమే కాకుండా.. రానున్న కాలంలో మరింతగా ఈ నకిలీ నోట్ల వ్యాపారాన్ని అడ్డుకోవడంలో పోలీసుల విజయం సాధించారనే చెప్పాలి. పోలీసుల దర్యాప్తులో.. మరికొంత మంది వ్యక్తులు వీటిలో భాగంగా ఉంటారనే అనుమానాలు వ్యక్తం చేస్తున్నారు.