byసూర్య | Fri, Sep 23, 2022, 05:12 PM

నల్గొండ జిల్లా నాగార్జునసాగర్ ప్రాజెక్టుకు వరద ప్రహారం తగ్గిందని చెప్పవచ్చు శుక్రవారం అధికారులు 2 క్రస్ట్ గేట్లు 5 అడుగుల మేర ఎత్తి నీటిని విడుదల చేస్తున్నారు. ఇన్ ఫ్లో 91, 046 క్యూసెక్కులు కాగా, ఔట్ ఫ్లో 65, 641 క్యూసెక్కులుగా ఉంది. పూర్తిస్థాయి నీటి మట్టం 590 అడుగులు కాగా ప్రస్తుత నీటి మట్టం 589. 80 అడుగులుగా ఉంది. సాగర్‌ క్రస్ట్‌ గేట్లను ఎత్తి దిగువకు నీటిని విడుదల చేస్తుండటంతో కృష్ణమ్మ అందాలను తిలకించేందుకు నాగార్జునసాగర్‌కు రాష్ట్రంలో పలు ప్రాంతాల నుంచి పర్యాటకులు వచ్చారు. దీంతో సాగర్‌లో బుద్ధవనం, అనుపు, ఎత్తిపోతల, కొత్త వంతెన, పాత వంతెన, ప్రధాన జలవిద్యుత్‌ కేంద్రం దారిలో పర్యాటకుల సందడి నెలకొంది.