byసూర్య | Wed, Jan 19, 2022, 12:43 PM
తెలంగాణలో కరోనా విజృంభణ కొనసాగుతోంది. గత 24 గంటల్లో 1,07,904 మందికి కరోనా పరీక్షలు నిర్వహించగా, 2,983 మందికి పాజిటివ్ వచ్చింది. గ్రేటర్ హైదరాబాద్లో అత్యధికంగా 1,206 కొత్త కేసులు నమోదయ్యాయి. మేడ్చల్ మల్కాజిగిరి జిల్లాలో 259, రంగారెడ్డి జిల్లాలో 227 కేసులు నమోదయ్యాయి. అదే సమయంలో 2,706 మంది కరోనా నుండి కోలుకున్నారు మరియు ఇద్దరు మరణించారు. దీంతో కరోనా మృతుల సంఖ్య 4,062కి చేరింది. రాష్ట్రంలో ఇప్పటివరకు 7,14,639 పాజిటివ్ కేసులు నమోదు కాగా, 6,88,105 మంది ఆరోగ్యంగా ఉన్నారు. మరో 22,472 మంది చికిత్స పొందుతున్నారు.