byసూర్య | Tue, Jun 08, 2021, 11:53 AM

హైదరాబాద్ నగరంలోని పాతబస్తీ డబిర్పుర పోలీస్‌స్టేషన్‌ పరిధిలో జరిగిన స్ట్రీట్‌ఫైట్‌లో అద్నాన్ అనే యువకుడు ప్రైవేట్ ఆస్పత్రిలో చికిత్స పొందుతూ మృతి చెందాడు. నిన్న అర్ధారాత్రి స్ట్రీట్ ఫైట్‌లో అద్నాన్ తీవ్రంగా గాయపడ్డాడు. పాతబస్తీ డబీర్ పురా పోలీస్ స్టేషన్ పరిధిలో ఓ చిన్న వివాదంతో మొదలైన గొడవలో యువకులు రెండు గ్రూపులుగా విడిపోయి స్ట్రీట్ ఫైట్ చేశారు. ఒకరిపై మరొకరు పిడి గుద్దులు గుద్దుకున్న ఘటనలో అద్నాన్ తీవ్రంగా గాయపడ్డారు. వెంటనే ఆస్పత్రికి తరలించగా...చికిత్స పొందుతూ ఈరోజు మృతి చెందాడు. అజీబ్, ముజీబ్, కమ్రాన్లతో పాటు మరికొంత మంది దాడిలో అద్నాన్ తీవ్ర గాయాలపాలయ్యాడు. ఈ కేసులో కొందరు యువకులను డబీర్‌పుర పోలీసులు అదుపులోకి తీసుకుని దర్యాప్తు చేపట్టారు.