byసూర్య | Wed, Apr 07, 2021, 12:14 PM

సర్టిఫికెట్లు ఇవ్వండి.. ఇంటికి వెళ్తామన్న విద్యార్థిని (16), ఆమె పిన్ని పట్ల సంస్థ డైరెక్టర్‌ అసభ్యకరంగా ప్రవర్తించాడు. బాధితులు పోలీసులకు ఫిర్యాదు చేశారు. ఎల్బీ నగర్‌ పోలీస్‌ స్టేషన్‌ పరిధిలోని సాయినగర్‌ కాలనీలో డాక్టర్‌ జీ మెడికల్‌ ఐఐటీ అకాడమీ కరోనా సమయంలోనూ హాస్టల్‌ నిర్వహిస్తోంది. ఆ అకాడమీలో విద్యార్థిని ఇంటర్‌ పూర్తిచేసి, మెడిసిన్‌ ప్రవేశ పరీక్షకు ప్రిపేర్‌ అవుతోంది. అయితే విద్యార్థిని ఫీజు విషయంలో అకాడమీ వారితో గొడవలు జరుగుతుండేవి. డైరెక్టర్‌ జగన్ ‌యాదవ్‌ స్టడీ అవర్స్‌లో తనతో అసభ్యకరంగా ప్రవర్తించేవాడని బాధితురాలు పోలీసులకిచ్చిన ఫిర్యాదులో పేర్కొంది. బాధితురాలి ఫిర్యాదుతో కేసు దర్యాప్తు చేస్తున్నామని ఎస్‌హెచ్‌ఓ అశోక్ రెడ్డి తెలిపారు.