byసూర్య | Tue, Jan 12, 2021, 08:59 AM

నగరంలోని మియాపూర్లో విషాద ఘటన చోటుచేసుకుంది. పటేల్ చెరువులో పడి ఎనిమిదేళ్ల బాలుడు మృతి చెందాడు. పతంగి ఎగురవేసే క్రమంలో ప్రమాదవశాత్తు నీటి గుంతలో పడి మరణించాడు. దీంతో ఆ కుటుంబంలో విషాదఛాయలు అలుముకున్నాయి. రెండు సంవత్సరాల క్రితమే భర్తను, ఇప్పుడు కుమారుడి పోగొట్టుకున్న బాలుడి తల్లి కన్నీరు మున్నీరుగా విలపించింది. చెరువు సుందరీకరణలో భాగంగా రెండేళ్ల క్రితం చెరువులో పనులు ప్రారంభించారు. ఏడాదిన్నర కాలంగా అర్ధాతంరంగా నిలిపివేశారు. ఇప్పుడు ఆ గుంతలోనే బాలుడు పడి చనిపోవడం... గుత్తేదారుల సమన్వయ లోపమేనని స్థానికులు ఆరోపిస్తున్నారు. సమయానికి పనులు పూర్తి చేసి ఉంటే బాలుడు దూరమయ్యేవాడు కాదని ఆరోపిస్తున్నారు.