byసూర్య | Sun, Jan 10, 2021, 01:33 PM

దేశవ్యాప్తంగా ప్రస్తుతం బర్డ్ ఫ్లై టెన్షన్ నెలకొంది. కరోనా వైరస్ ఓవైపు బర్డ్ ఫ్లూ వైరస్ మరోవైపు వ్యాపిస్తుండటంతో జనం భయాందోళనలు వ్యక్తం చేస్తున్నారు. ఇప్పటికే ఏడు రాష్ట్రాల్లో ఈ ఫ్లూ కలవరపెడుతోంది. దేశంలో బ‌ర్డ్ ఫ్లూ వైర‌స్ వేగంగా వ్యాప్తి చెందుతోంది. వేలాది ప‌క్షులు మృత్యువాత ప‌డుతున్నాయి. వ‌ల‌స ప‌క్షుల నుంచి మొద‌లైన ఈ వైర‌స్ క్ర‌మంగా ఇత‌ర ప‌క్షుల‌కు వ్యాపించింది. దీంతో దేశంలోని అన్నిరాష్ట్రాలు అప్ర‌మ‌త్తంగా ఉండాల‌ని కేంద్రం సూచించింది. ముఖ్యంగా కోళ్ల ప‌రిశ్ర‌మ‌కు చెందిన వ్య‌క్తులు త‌గిన జాగ్ర‌త్త‌లు తీసుకోవాల‌ని సూచించారు.

అయితే బ‌ర్డ్ ఫ్లూ భ‌యంతో చికెన్ వినియోగదారుల్లో టెన్ష‌న్ మొద‌లైంది. ఇప్పటికే పలు ప్రాంతాల్లో చికెన్ అమ్మకాలు పడిపోయాయి. జనం చికెన్ తినేందుకు భయపడుతున్నారు. ఇక ఏపీలో ఇప్ప‌టికే బ‌ర్డ్ ఫ్లూ భ‌యంతో ధ‌ర‌లు త‌గ్గాయి. ఇటు తెలంగాణలో కూడా పలు ప్రాంతాల్లో చికెన్ ధరలు తగ్గుముఖం పడ్డాయి. ఇటు హైద‌రాబాద్‌లో మాత్రం చికెన్ ధ‌ర‌లు తగ్గాయి. అయితే కొనుగోళ్లు త‌గ్గలేదు. గతవారం రూ. 260కు పైగా ఉన్న కిలో చికెన్ ధర.. ఈ వారం రూ. 160గా ఉంది. అంటే దాదాపుగా వంద రూపాయలు తగ్గింది. మరికొన్ని చోట్ల కిలోన్నర చికెన్ రెండువందలకు ఇచ్చేస్తున్నారు. ప్ర‌స్తుతం కేజీ చికెన్ ధ‌ర మార్కెట్‌లో రూ.180గా ఉంది. గ‌త ప‌ది రోజులుగా ఇదే ధ‌ర ఉండ‌టం విశేషం.

మరోవైపు చికెన్ వ్యాపారులు భయాందోళనలకు గురవుతున్నారు. ప్రస్తుతం తెలంగాణలో ఎక్కడా బర్డ్ ఫ్లూ భయం లేకపోయినా.. జనం మాత్రం తీవ్ర ఆందోళనకు గురవుతున్నారు.అటు వ్యాపారులు కూడా బర్డ్ ఫ్లూ తో భయపడుతున్నారు. ముందు ముందు ఇంకా ఈ వైరస్ ఎక్కడ తమ వ్యాపారాన్ని దెబ్బతీస్తుందోనని భయపడుతున్నారు. త