byసూర్య | Fri, Oct 16, 2020, 04:45 PM
తెలంగాణ ప్రజలకు సీఎం కేసీఆర్ బతుకమ్మ పండుగ శుభాకాంక్షలు తెలిపారు. కరోనా నిబంధనలు పాటిస్తూ ప్రజలు పండుగ జరుపుకోవాలని పిలుపునిచ్చారు. తెలంగాణ సంప్రదాయానికి ప్రతీక బతుకమ్మ పండుగ. పసుపు పచ్చని తంగేడు.. తెల్లని గునుగు సహా తీరొక్క పూలతో అందంగా బతుకమ్మలను పేర్చి.. వాకిళ్లలో సంప్రదాయ వస్త్రాలతో యువతులు గుంపులు గుంపులుగా చేరి ఆడిపాడే పండుగ వచ్చేసింది. బతుకమ్మ సంబురాలతో రాష్ట్రంలో పల్లెలు తొమ్మిది రోజుల పాటు కళకళలాడనున్నాయి. శుక్రవారం ఎంగిలి పూల బతుకమ్మతో మొదలయ్యే ఉత్సవాలు, సద్దుల బతుకమ్మ దాకా కొనసాగుతాయి.