byసూర్య | Sat, Mar 28, 2020, 01:37 PM

తెలంగాణలో కరోనా కేసుల సంఖ్య 59కి చేరడంతో సర్కార్ అలర్ట్ అయ్యింది. ఇప్పటికే విదేశాల నుంచి వచ్చిన వారికి జియో ట్యాగింగ్ ఇవ్వబోతున్నారు. దీని ద్వారా విదేశాల నుంచి వచ్చిన వారిని గుర్తించి వారి చేతికి బ్యాండ్ వేస్తారు. దానికి ఓ నంబర్ ను ఇస్తారు. అది జీపీఎస్ లోకేషన్ తో పని చేస్తుంది. దాని ద్వారా వారు ఎక్కడికి వెళ్లినా జియో ట్యాగింగ్ ద్వారా గుర్తించవచ్చు. విదేశాల నుంచి వచ్చిన వారు, క్వారంటైన్ లో ఉన్న వారు తాము ఉన్న ప్రాంతం నుంచి 50 మీటర్ల దూరం వెళితే వెంటనే పోలీస్ కంట్రోల్ రూంకి మెసేజ్ పోతుంది. దాంతో పోలీసులు వెంటనే అలర్ట్ అయ్యి ఆ వ్యక్తిని అదుపులోకి తీసుకుంటారు. దీనికి సంబంధించి ప్రత్యేక యాప్ ను తయారు చేశారు. ఏపీలో ఇప్పటికే ఇలాంటి యాప్ అమల్లో ఉంది. ఇప్పుడు తెలంగాణలో అమలు చేయనున్నారు.