byసూర్య | Fri, Jan 17, 2020, 04:28 PM

గత కొద్ది రోజులుగా సీఎం కేటీఆర్ అవుతారన్న వార్తలు వస్తున్న విషయం తెలిసిందే. వీటికి బలం చేకూరేలా పలువురు మంత్రులు, ఎమ్మెల్యేలు కూడా వ్యాఖ్యలు చేశారు. దీంతో అంతా కేటీఆర్ తదుపరి సీఎం కావడం ఖాయమని అనుకుంటున్నారు. అయితే ఈ వ్యాఖ్యల పై మంత్రి, టీఆర్ఎస్ వర్కింగ్ ప్రెసిడెంట్ కేటీఆర్ స్పందించారు. శుక్రవారం ఆయన మీడియాతో మాట్లాడారు. త్వరలోనే తాను సీఎం అవుతాననేది ఊహాగానమేనన్నారు. అది వాస్తవం కాదని తెలిపారు. తానే సీఎం అవుతానని మంత్రులతో మీడియా వాళ్లే మాట్లాడిస్తున్నారని అన్నారు. మున్సిపల్ ఎన్నికల్లో టీఆర్ఎస్ పార్టీ విజయం ఖాయమని కేటీఆర్ తెలిపారు