byసూర్య | Thu, Jan 16, 2020, 12:05 PM
పెళ్లిళ్ల సీజన్ రాబోతోంది. బంగారం కొనుగోలు చేయాలని ప్లాన్ చేస్తున్నారా? అయితే మీకు తీపికబురు. బంగారం ధర తగ్గుతూ వస్తోంది. కొత్త ఏడాది ఆరంభం నుంచే దూకుడు చూపించిన పసిడి ఇప్పుడు కొంత శాంతించింది. బంగారం ధర వరుసగా రెండు రోజులుగా తగ్గుతూ వచ్చింది. పసిడి కొనాలని భావించే వారికి ఇది తీపికబురు.
ధర పైపైకి.. దీంతో ఎఫెక్ట్
బంగారం ధర ఇప్పుడు తగ్గడానికి ధరల పెరుగుదల కూడా ఒక కారణంగా చెప్పుకోవచ్చు. ఇటీవల కాలంలో పసిడి ధర పరుగులు పెట్టింది. కొత్త గరిష్ట స్థాయిలకు చేరింది. దీంతో కొనుగోలుదారులు జువెలరీ షాపులకు రావడం తగ్గించేశారు. పసిడి కొనుగోలుకు దూరంగా ఉండిపోయారు. దీంతో ధరపై ఎఫెక్ట్ పడింది.
హైదరాబాద్ మార్కెట్లో బంగారం ధర రెండు రోజుల్లో భారీగా పడిపోయింది. 10 గ్రాముల 22 క్యారెట్ల బంగారం ధర గత రెండు రోజుల్లో ఏకంగా రూ.570 పడిపోయింది. దీంతో పసిడి ధర రూ.37,640కు దిగొచ్చింది.