byసూర్య | Mon, Oct 14, 2019, 06:18 PM
తెలంగాణ సాయుధ రైతాంగ పోరాట యోదుడు సుద్దాల హనుమంతు-జానకమ్మ ల జాతీయ పురస్కారాన్ని ప్రముఖ సినీ నటుడు ఆర్.నారాయణమూర్తి అందుకున్నారు. హైదరాబాద్లో సుద్దాల ఫౌండేషన్ ఆధ్వర్యంలో జరిగిన కార్యక్రమంలో తెలంగాణ మంత్రి వి.శ్రీనివాస్ గౌడ్ ఈ పురస్కారాన్ని నారాయణమూర్తికి అందజేశారు. ఈ సందర్భంగా మంత్రి మాట్లాడుతూ సామాన్యులను సైతం ఆలోచింపచేసే పాటలు రాసిన ఘనత సుద్దాల హనుమంతు సొంతం అన్నారు. ఈ కార్యక్రమంలో సీనియర్ జర్నలిస్టు కె.రామచంద్రమూర్తి, సుద్దాల ఫౌండేషన్ వ్యవస్థాపకుడు, ప్రముఖ సినీగేయ రచయిత సుద్దాల అశోక్తేజ, సుధాకర్ తేజ పాల్గొన్నారు.