byసూర్య | Sun, Oct 13, 2019, 07:55 PM

ఆర్టీసీది ఎర్ర బస్సు సమస్య కాదని పేద ప్రజల సమస్య అని మల్కాజిగిరి ఎంపీ రేవంత్ రెడ్డి వ్యాఖ్యానించారు. కేంద్ర ప్రభుత్వ ఉద్యోగులతో సమానంగా ఆర్టీసీ ఉద్యోగులకు వేతనాలు ఇస్తానన్న కేసీఆర్ మరిచారా అని రేవంత్ ప్రశ్నించారు. సమ్మెకు దారి తీసిన కారణాలపై కేసీఆర్ ఆలోచన చేసుకుని వెంటనే వారి సమస్యకు పరిష్కారం కల్పించాలన్నారు. రెండ్రోజులు డ్యూటీకి రానివారిని డిస్మిస్ చేస్తే.. ఆరేళ్లుగా సచివాలయానికి రాని కేసీఆర్ పై పీడియాక్ట్ పెట్టి అండమాన్ జైల్లో వేయాలన్నారు. అప్పట్లో తెలంగాణ ఉద్యమంలో పిల్లల చావుకు, ఇప్పుడు డ్రైవర్ శ్రీనివాస్ రెడ్డి ఆత్మహత్యకు కారణమయ్యారని ఫైర్ అయ్యారు. ఆర్టీసీ సమ్మెను అణచివేసేందుకు కేసీఆర్ రంగం సిద్ధం చేశారని, ఒకవేళ సమ్మె విఫలమైతే తెలంగాణలో ప్రశ్నించే గొంతులు ఉండవన్నారు.