రన్​ జరిగే ప్రాంతాల్లో ట్రాఫిక్​ ఆంక్షలు

byసూర్య | Sat, Aug 24, 2019, 06:21 PM

 


హైదరాబాద్​ రన్నర్స్, ఎయిర్​టెల్ హైదరాబాద్ సంయుక్త ఆధ్వర్యంలో ఆదివారం ‘ఎయిర్​టెల్ హైదరాబాద్ మారథాన్​–2019’ కార్యక్రమం నిర్వహించనున్నారు.  మారథాన్​ సందర్భంగా సైబరాబాద్ పోలీసులు ట్రాఫిక్​ ఆంక్షలు విధించారు. నగరంలోని పీపుల్స్​ ప్లాజా నెక్లెస్​ రోడ్డు నుంచి హైటెక్​ సిటీ మీదుగా గచ్చిబౌలి వరకు  మొత్తం 42 కిలోమీటర్లు జరుగనున్న ఈ  మారథాన్​లో హాఫ్​  మారథాన్, ఫుల్​ మారథాన్​లు ఉదయం 5 గంటల నుండి 12 గంటల వరకు జరుగనుంది. 10కే రన్​ హైటెక్స్ ఎగ్జిబిషన్​ గ్రౌండ్​ నుండి గచ్చిబౌలి వరకు సాగనుంది. ఈ మారథాన్​ను దృష్టిలో పెట్టుకొని నగరంలో రన్​ జరిగే ప్రాంతాల్లో ట్రాఫిక్​ ఆంక్షలు అమలు చేస్తూ సైబరాబాద్​ ట్రాఫిక్​ పోలీసులు ఉత్తర్వులు జారీ చేశారు. 
ఎయిర్​టెల్ హైదరాబాద్​ మారథాన్​ రన్​ నెక్లెస్ రోడ్డులో ప్రారంభమై  ఖైరతాబాద్​ ఫ్లైఓవర్, రాజ్​భవన్​ రోడ్డు, సీఎం క్యాంపు కార్యాలయం,  పంజాగుట్ట ఫ్లైఓవర్,  ఎన్​టీఆర్​ భవన్,  జూబ్లీహిల్స్​ చెక్ పోస్టు,  పెద్దమ్మ తల్లి దేవాలయం,  నీరూస్​ జంక్షన్, మాదాపూర్, సైబర్​ టవర్స్​ మీదుగా   ఐకియా అండర్​ పాస్,  బయో డైవర్సిటీ జంక్షన్, సీపీ కార్యాలయం,  గచ్చిబౌలి ఫ్లైఓవర్​ మీదుగా ఇందిరానగర్, ఐఐఐటీ జంక్షన్, విప్రో సర్కిల్,  క్యూ సిటీ నుండి  హెచ్​సీయూ గేట్​ నెంబర్​ 2 మీదుగా గచ్చిబౌలి స్టేడియంకు చేరుకుంటుంది.  అదే విధంగా 10 కే రన్​ హైటెక్స్​ ప్రధాన ద్వారం వద్ద ప్రారంభమై శిల్పారామం,  సైబర్​ టవర్స్​ మీదుగా మైండ్​స్పేస్​​ అండర్​ పాస్,  బయోడైవర్సిటీ జంక్షన్, గచ్చిబౌలి ఫ్లైఓవర్,  ఇందిరానగర్,  ఐఐఐటీ జంక్షన్​ మీదుగా గచ్చిబౌలి స్టేడియం వరకు సాగుతుంది.
జూబ్లీహిల్స్​ నుండి కొత్తగూడ, కొండాపూర్​ రూట్​లో  వెళ్లే వాహనదారులు  జూబ్లీహిల్స్​ నీరూస్​ జంక్షన్​ మీదుగా మాదాపూర్​ 100 ఫీట్​ రోడ్డు, సైబర్​ టవర్స్​ వద్ద నుండి కొత్తగూడ వద్దకు చేరుకోవచ్చు.
జూబ్లీహిల్స్​ నుండి మైండ్​స్పేస్, బయోడైవర్సిటీ, గచ్చిబౌలి ఓఆర్​ఆర్​..ఈ రహదారిలో వెళ్లే వారు  జూబ్లీహిల్స్​ నుండి మాదాపూర్​ 100 ఫీట్​ రోడ్డు, ఎంఎంటీఎస్​ రైల్వే స్టేషన్​ ఆర్​ఓబీ వద్ద యూటర్న్​ తీసుకొని సైబర్​ టవర్స్​ ఫ్లైఓవర్​ మీదుగా మైండ్​స్పేస్​కు చేరుకోవచ్చు.


 


Latest News
 

కాంగ్రెస్ పార్టీ జువ్వాడి గ్రామ కమిటీ ఎన్నిక Fri, Mar 29, 2024, 02:52 PM
ఉపాధ్యాయులకు ప్రత్యేక టెట్ నిర్వహించాలి Fri, Mar 29, 2024, 02:50 PM
దేవునిపల్లిలో ఒకరి అదృశ్యం Fri, Mar 29, 2024, 02:47 PM
వన్ కార్డ్ బిజినెస్ సొల్యూషన్ ఆధ్వర్యంలో మెగా హెల్త్ క్యాంప్ Fri, Mar 29, 2024, 02:45 PM
భారీ గజమాలతో బిజెపి నాయకులను సత్కరించిన కార్యకర్తలు Fri, Mar 29, 2024, 02:44 PM