పెళ్లిపై క్లారిటీ ఇచ్చిన డార్లింగ్

యంగ్ రెబల్ స్టార్ ప్రభాస్ వివాహం గురించి దేశవ్యాప్తంగా ఎంతో మంది ఆసక్తికరంగా ఎదురు చూస్తున్నారు. ప్రభాస్ పెళ్లి గురించి ఎప్పటికప్పుడు జాతీయ మీడియాలో కూడా వార్తలు వస్తున్నాయి. ప్రభాస్ ఒక ఎన్నారై యువతిని వివాహం చేసుకబోతున్నాడని ఆ మధ్య వార్తలు వచ్చాయి. అలాగే అనుష్కతో ప్రభాస్ ప్రేమలో ఉన్నాడని, వీరిద్దరూ అమెరికాలో కొత్త ఇల్లు కూడా కొనుక్కున్నారని కథనాలు వచ్చాయి.

ఆ వార్తలపై ప్రభాస్ తాజాగా స్పందించాడు. అనుష్కతో స్నేహం తప్ప ఇంకేమీ లేదని స్పష్టం చేశాడు. తాజాగా ఓ జాతీయ మీడియాకు ఇంటర్వ్యూ ఇచ్చిన ప్రభాస్ తన పెళ్లి గురించి ఆసక్తికరంగా స్పందించాడు. `పెళ్లి గురించి ఇంకా క్లారిటీ లేదు. జరగాల్సిన సమయంలో నా పెళ్లి కచ్చితంగా జరుగుతుంది. నాది ప్రేమ వివాహం కూడా కావొచ్చ`ని ప్రభాస్ అన్నాడు.