ప్రొడ్యూసర్ గా మారుతున్న టాప్ హీరోయిన్ ?

తెలుగులో నాని వంటి హీరోలు నిర్మాతలుగాను ప్రయోగాలు చేస్తున్నారు. చిన్న సినిమాలతో నిర్మాతలుగా మారిపోయి, విజయాలను అందుకోవడానికి తమవంతు ప్రయత్నాలు చేస్తున్నారు. ఇక తెలుగులో స్టార్ హీరోయిన్ గా సుదీర్ఘ కాలంగా తన జోరును కొనసాగిస్తోన్న కాజల్ కూడా నిర్మాతగా మారడానికి రంగాన్ని సిద్ధం చేసుకుంటున్నట్టుగా తెలుస్తోంది.

తెలుగులో ఆమె నిర్మించనున్న తొలి చిత్రానికి తేజ దర్శకుడిగా వ్యవహరించనున్నాడని అంటున్నారు. తెలుగు తెరకి కాజల్ ను తేజ పరిచయం చేశాడు. ఆ కృతజ్ఞతతో ఆయన దర్శకత్వంలోనే తొలి సినిమాను నిర్మించాలని ఆమె ప్లాన్ చేసుకుంటోందని అంటున్నారు. కాజల్ ప్రధాన పాత్రధారిగానే ఈ కథ సాగుతుందనే టాక్ వినిపిస్తోంది. ఈ ఇద్దరి కాంబినేషన్లో ఇటీవల 'సీత' వచ్చిన సంగతి తెలిసిందే.