by సూర్య | Fri, Sep 27, 2024, 04:47 PM

పుష్ప 2: ది రూల్ 2024లో అత్యంత ఆసక్తిగా ఎదురుచూస్తున్న భారతీయ చిత్రం. అల్లు అర్జున్ నటించిన ఈ చిత్రం దేశవ్యాప్తంగా సంచలనం సృష్టించింది మరియు డిసెంబర్ 6న ఈ సినిమా విడుదల కానుంది. మొదటి భాగం ఘన విజయం సాధించినందున సీక్వెల్ కోసం భారీ బజ్ ఉంది. తాజాగా ఇప్పుడు చిత్ర బృందం ఈ సినిమాలో కీలక పాత్రలో నటిస్తున్న అజయ్ కి పుట్టినరోజు శుభాకాంక్షలు తెలియజేస్తూ స్పెషల్ పోస్టర్ ని విడుదల చేసింది. నేషనల్ క్రష్ రష్మిక మందన్న కథానాయికగా నటిస్తున్న ఈ చిత్రంలో ఫహద్ ఫాసిల్, సునీల్, అనసూయ, ధనంజయ, రావు రమేష్, జగదీష్ ప్రతాప్ బండారి తదితరులు ముఖ్య పాత్రలు పోషిస్తున్నారు. మైత్రీ మూవీ మేకర్స్ ఈ భారీ ఎంటర్‌టైనర్‌ను నిర్మిస్తోంది. ఈ చిత్రానికి దేవి శ్రీ ప్రసాద్ స్వరాలు సమకూరుస్తున్నారు.