by సూర్య | Fri, Mar 22, 2019, 01:06 PM

మెగా ఫ్యామిలీ  గారాల పట్టి 'నిహారిక' ఒక మనసు చిత్రంతో టాలీవుడ్ కి పరిచయం అయింది. మొదటి సినిమాతోనే నటనకు ప్రాధాన్యమున్న క్యారెక్టర్ ను ఎంచుకొని పెద్దల నుండి మంచి ప్రశంశలు పొందింది. ఇప్పుడు నిహారిక నుండి మరి కొద్దీ రోజుల్లో వస్తున్న చిత్రం 'సూర్యకాంతం'.  తాజాగా ఈ సినిమా ప్రీ రిలీజ్ ఈవెంట్ కి ముహూర్తాన్ని ఖరారు చేశారు.రేపు (శనివారం) సాయంత్రం 6 గంటల నుంచి ఈ వేడుక మొదలుకానుంది. హైదరాబాద్ లోని జేఆర్సీ కన్వెన్షన్ ఈ వేడుకకి వేదికగా మారనుంది. గ్రాండ్ గా ప్లాన్ చేసిన ఈ వేడుకకి ముఖ్య అతిథిగా విజయ్ దేవరకొండ హాజరుకానున్నాడు.  ఈ సినిమాను ఈ నెల 29వ తేదీన ప్రేక్షకుల ముందుకు తీసుకురానున్నారు.