by సూర్య | Thu, Mar 21, 2019, 02:01 PM

మొదటి నుంచి కూడా శ్రీవిష్ణు విభిన్నమైన కథలను .. విలక్షమైన పాత్రలను ఎంచుకుంటూ వస్తున్నాడు. అందువల్లనే ఆయనకి యూత్ లో మంచి క్రేజ్ వుంది. ఆయన తాజా చిత్రంగా 'బ్రోచేవారెవరురా' రూపొందుతోంది. వివేక్ ఆత్రేయ దర్శకత్వం వహించిన ఈ సినిమాలో, శ్రీవిష్ణు సరసన నాయికలుగా నివేదా థామస్ .. నివేదా పేతురాజ్ నటిస్తున్నారు.

ఈ రోజున 'హోలీ' పండుగ కావడంతో, ఈ సందర్భాన్ని పురస్కరించుకుని ఈ సినిమా నుంచి ఒక పోస్టర్ ను వదిలారు. శ్రీవిష్ణు .. రాహుల్ రామకృష్ణ .. ప్రియదర్శి పాత స్కూటర్ పై ప్రయాణం చేస్తున్నట్టుగా ఈ పోస్టర్లో కనిపిస్తున్నారు. స్నేహాం .. ప్రేమ నేపథ్యంలో సాగే కథగా ఈ సినిమా ఉంటుందని తెలుస్తోంది. టైటిల్ పరంగా మంచి మార్కులు కొట్టేసిన ఈ సినిమా,  టీజర్ .. ట్రైలర్లతో మరింతగా ఆకట్టుకుంటుందేమో చూడాలి.