by సూర్య | Sat, Mar 16, 2019, 03:08 PM

బూమ్.. అంటూ షేడ్స్ ఆఫ్ సాహో చాప్టర్ 2 వీడియో తడాఖా చూపిస్తున్నాడు యంగ్ రెబల్ స్టార్ ప్రభాస్. ‘బాహుబలి’ చిత్రంతో ఖండాంతరాలు దాటిన ఆయన క్రేజ్.. ‘సాహో’ మేకింగ్ వీడియోలతో రెట్టింపయ్యేలా ఉంది. ప్రభాస్ ఇమేజ్‌ను తగ్గట్లుగా హై టెక్నికల్ వాల్యూస్‌తో ఈ చిత్రాన్ని సుమారు రూ. 200 కోట్లతో రూపొందించారు. తెలుగు, తమిళ, హిందీ భాషల్లో తెరకెక్కుతున్న ఈ చిత్రంలో మందిరా బేడి, జాకీ ష్రాఫ్, నీల్ నితిన్ ముకేష్ తదితరులు బాలీవుడ్ దిగ్గజాలు నటించారు.

హాలీవుడ్ స్టంట్ కొరియోగ్రఫర్ 'కెన్నీ బేట్స్' ఈ సినిమా యాక్షన్ ఎపిసోడ్స్ ను డిజైన్ చేస్తున్నాడు. తాజాగా ఆయన మాట్లాడుతూ .. "యాక్షన్ ఎపిసోడ్స్ లో ప్రభాస్ చాలా అద్భుతంగా పెర్ఫామ్ చేస్తున్నాడు. సాధారణంగా హై రిస్క్ వుండే యాక్షన్ సీన్స్ చేసిన తరువాత చాలామంది హీరోలు అలసిపోతుంటారు. అలాంటి అలసట నేను ఇంతవరకూ ప్రభాస్ లో చూడలేదు. ఉదయాన్నే సెట్స్ కి వచ్చినప్పుడు ఆయన ఎలా అయితే ఉత్సాహంగా ఉంటాడో .. ఆ రోజంతా కూడా ఆయన అంతే ఉత్సాహంగా ఉంటాడు. యాక్షన్ సీన్స్ చేసే విషయంలో ఆయనకి ఎంతమాత్రం సందేహం లేకపోవడం .. బెదురు లేకపోవడం నాకు చాలా ఆశ్చర్యాన్ని కలిగించింది" అని చెప్పుకొచ్చారు.