షక్కింగ్ TRPని నమోదు చేసిన 'కాంతారా'

రిషబ్ శెట్టి దర్శకత్వం వహించిన కన్నడ యాక్షన్ డ్రామా 'కాంతారా' తెలుగు డబ్బింగ్ వెర్షన్ అక్టోబర్ 14న రిలీజ్ అయ్యి పాజిటివ్ టాక్ తో బాక్సాఫీస్ వద్ద సాలిడ్ కలెక్షన్స్ ని రాబట్టింది. అల్లు అరవింద్ తెలుగులో విడుదల చేసిన ఈ సినిమా కన్నడలో బిగ్గెస్ట్ హిట్ గా నిలిచింది. ఈ విలేజ్ డ్రామా తెలుగు వెర్షన్ వరల్డ్ టెలివిజన్ ప్రీమియర్ జనవరి 22, 2023న సాయంత్రం 6 గంటలకు స్టార్ మా ఛానెల్‌లో ప్రసారమైంది.

తాజాగా సమాచారం ప్రకారం, ఈ చిత్రం 12.35 టిఆర్‌పి రేటింగ్‌ను సాధించి రికార్డు సృష్టించింది. ఒక సినిమా డబ్బింగ్‌ వెర్షన్ కి కూడా ఇంత అద్భుతమైన రివ్యూ రావడం అసాధారణమని నెటిజన్లు పేర్కొన్నారు. ఈ చిత్రానికి దర్శకత్వం వహించడమే కాకుండా రిషబ్ శెట్టి ఈ సినిమాలో ప్రధాన పాత్ర పోషించాడు. ఈ యాక్షన్-థ్రిల్లర్ సినిమాలో ప్రమోద్ శెట్టి, అచ్యుత్ కుమార్ మరియు నవీన్ డి పాడిల్ ముఖ్య పాత్రలు పోషిస్తున్నారు. ఈ చిత్రాన్ని హోంబలే ఫిల్మ్స్‌పై విజయ్ కిరగందూర్ నిర్మించారు.