by సూర్య | Mon, Nov 28, 2022, 09:23 PM

కోలీవుడ్ స్టార్ హీరో సూర్య తన తదుపరి సినిమాని దర్శకుడు సిరుత్తై శివతో అధికారకంగా ప్రకటించిన సంగతి అందరికి తెలిసిందే. ఈ సినిమాకి టెంపరరీగా 'సూర్య 42' అనే టైటిల్‌ ని మూవీ మేకర్స్ లాక్ చేసారు. 2 భాగాలుగా రూపొందనున్న ఈ సినిమాలో బాలీవుడ్ బ్యూటీ క్వీన్ దిశా పటానీ సూర్య సరసన జోడిగా నటిస్తుంది. తాజా సమాచారం ప్రకారం, ఈ సినిమా కొత్త షెడ్యూల్ చెన్నైలో ప్రారంభమైంది. సూర్యతో పాటు ఇతర కీలక తారాగణం ఈ సెట్స్‌లో జాయిన్ అయ్యినట్లు సమాచారం.

ఈ మాస్‌ ఎంటర్‌టైనర్‌కి దేవిశ్రీ ప్రసాద్‌ సంగీతం అందించనున్నారు. ప్రపంచవ్యాప్తంగా 10 భాషల్లో ఈ సినిమా విడుదల కానుంది. స్టూడియో గ్రీన్, యువి క్రియేషన్స్ బ్యానర్లపై వంశీకృష్ణ, ప్రమోద్, కెఇ జ్ఞానవేల్రాజా ఈ చిత్రాన్ని నిర్మిస్తున్నారు.