by సూర్య | Sun, Nov 27, 2022, 06:01 PM

మెగాపవర్ స్టార్ రాంచరణ్ పదహారవ సినిమాపై ప్రేక్షకాభిమానుల్లో పూర్తి అసందిగ్ధత నెలకొంది. ముందుగా RC 16 డైరెక్టర్ గౌతమ్ తిన్ననూరి అని ఎనౌన్స్మెంట్ జరిగింది కానీ, ఈ మధ్యనే ఈ కాంబో పట్టాలెక్కట్లేదని అఫీషియల్ గా తెలిసింది. దీంతో ఈ మూవీ డైరెక్టర్ గా రోజుకొక పేరు వినిపిస్తుంది.

తాజా సమాచారం ప్రకారం, ఉప్పెన డైరెక్టర్ బుచ్చిబాబు సానతో రాంచరణ్ 16వ సినిమా ఉంటుందని తెలుస్తుంది. సుకుమార్ రైటింగ్స్ తో కలిసి ఒక కొత్త నిర్మాణ సంస్థ ఈ సినిమాను నిర్మించబోతుందంట. ఈ సినిమాకు రాక్ స్టార్ దేవిశ్రీ ప్రసాద్ కానీ, ఆస్కార్ అవార్డు గ్రహీత AR రెహమాన్ కానీ సంగీతం అందివ్వనున్నారట. వచ్చే ఏడాదిలో ఈ మూవీ షూటింగ్ షురూ కాబోతుందట. ఈ మేరకు సోషల్ మీడియాలో ప్రచారం జరుగుతుంది.

ఈ నేపథ్యంలో రేపు ఉదయం 11:11 నిమిషాలకు రాంచరణ్ అప్ కమింగ్ మూవీ నుండి ఒక సర్ప్రైజింగ్ అప్డేట్ రాబోతుంది. మరి, ఈ ఎనౌన్స్మెంట్ RC 16 సినిమా గురించా కదా అన్నది తెలియాల్సి ఉంది.