సమంత ఆరోగ్యం పై మేనేజర్ క్లారిటీ

by సూర్య | Thu, Nov 24, 2022, 10:46 AM

నటి సమంత హైదరాబాద్‌ లోని ఓ ప్రైవేట్ ఆసుపత్రిలో చేరారని సోషల్ మీడియాలో వార్తలు వైరల్ అవుతున్నాయి. తాను మాయోసైటిస్ అనే వ్యాధితో బాధపడుతున్నట్లు సమంత ఇటీవల ప్రకటించిన విషయం తెలిసిందే. అయితే గురువారం ఉదయం నుంచి సమంత ఆరోగ్యంపై ఓ వార్త వైరల్ అవుతోంది. సమంత ఆస్పత్రిలో చేరారని, ఆమె మాయోసైటిస్ తో ఆసుపత్రి పాలయ్యారా? లేక మరేదైనా కారణమా? అనే వివరాలు మాత్రం బయటకు రాలేదంటూ పలు మీడియా వెబ్ సైట్స్ రాసుకొచ్చాయి. అయితే ఈ వార్తల్లో నిజం లేదని, సమంత ఆరోగ్యం బాగానే ఉందని, ఆమె ఆసుపత్రిలో చేరలేదని సమంత మేనేజర్ క్లారిటీ ఇచ్చారు.