రేపు విడుదల కాబోతున్న అభిరాం ''అహింస" టీజర్

విభిన్న చిత్రాల దర్శకుడు తేజ డైరెక్ట్ చేస్తున్న కొత్త చిత్రం "అహింస". ఈ మూవీతో దగ్గుబాటి కుటుంబం నుండి అభిరాం హీరోగా తెరంగేట్రం చేస్తున్నారు. రీసెంట్గా విడుదలైన వరస వాయిస్ క్లిప్పింగ్స్, ఫస్ట్ లిరికల్ సాంగ్ సినిమాపై ప్రేక్షకుల్లో మంచి అంచనాలను క్రియేట్ చేసాయి.

లేటెస్ట్ గా మేకర్స్ మూవీ టీజర్ ను విడుదల చేసేందుకు రంగం సిద్ధం చేసారు. దసరా పండుగను పురస్కరించుకుని రేపు అహింస టీజర్ ను విడుదల చెయ్యబోతున్నట్టు స్పెషల్ పోస్టర్ ద్వారా తెలిపారు. పోస్టర్ విభిన్నంగా, ఆసక్తిని కలిగించేలా ఉంది.

పోతే, ఈ సినిమాలో గీతికా హీరోయిన్ గా నటిస్తుండగా, ఆనంది ఆర్ట్స్ క్రియేషన్స్ బ్యానర్ పై పి. కిరణ్ నిర్మిస్తున్నారు. RP పట్నాయక్ సంగీతం అందిస్తున్నారు.