by సూర్య | Thu, Sep 29, 2022, 04:21 PM

డార్లింగ్ ఫ్యాన్స్ కళ్ళు కాయలు కాచేలా ఎదురుచూస్తున్న సినిమా "ఆదిపురుష్". ఈ మూవీ అప్డేట్స్ కోసం దేశవ్యాప్తంగా ఉన్న సినీ ప్రేక్షకులు ఎంతో కుతూహలంగా ఎదురుచూస్తున్న విషయం తెలిసిందే.

కొంచెంసేపటి క్రితమే ఆదిపురుష్ నుండి బిగ్ బిగ్ సర్ప్రైజ్ వచ్చేసింది. అదేంటంటే, రేపు ఉదయం 07:11 నిమిషాలకు ఆదిపురుష్ టీజర్ పోస్టర్ విడుదల కానుందని సోషల్ మీడియాలో ట్వీట్ల మోత మోగిపోతుంది. ప్రభాస్ ను రాముడిగా చూసేందుకు ఇంకొన్ని గంటలే మిగిలి ఉండడంతో ప్రేక్షకాభిమానులందరూ కూడా ఫుల్ ఎక్జయిటింగ్ గా ఉన్నారు.

పోతే, ఈ సినిమాకు ఓం రౌత్ దర్శకుడు కాగా, కృతిసనన్ హీరోయిన్ గా నటిస్తుంది. సైఫ్ అలీఖాన్ కీలకపాత్రలో నటిస్తున్నారు. భారీ బడ్జెట్ తో భూషణ్ కుమార్ రెట్రోఫిల్స్ సంస్థలు సంయుక్తంగా నిర్మిస్తున్నాయి.