by సూర్య | Fri, Sep 23, 2022, 07:57 PM

మోహన రాజా దర్శకత్వంలో టాలీవుడ్ మెగా స్టార్ చిరంజీవి ఒక సినిమా చేస్తున్న సంగతి అందరికి తెలిసిందే. ఈ సినిమాకి "గాడ్ ఫాదర్" అనే టైటిల్ ని మూవీ మేకర్స్ లాక్ చేసారు. ఈ సినిమా మలయాళంలో "లూసిఫర్‌" సినిమాకు రీమేక్. ఇప్పుడు లేటెస్ట్ అప్డేట్ ప్రకారం, ఈ సినిమా ప్రీ రిలీజ్ ఈవెంట్‌ సెప్టెంబర్ 28, 2022న అనంతపురంలోని ప్రభుత్వ జూనియర్ కళాశాల మైదానంలో జరగనుంది అని సమాచారం. అయితే మూవీ టీమ్ నుంచి ఈ విషయం గురించిన అధికారిక ప్రకటన రావాల్సి ఉంది.

అందరూ ఎంతో ఆశక్తిగా ఎదురుచూస్తున్న ఈ సినిమా అక్టోబర్ 5, 2022న తెలుగు మరియు హిందీలో విడుదల కానుంది. పొలిటికల్ డ్రామా ట్రాక్ లో రానున్న ఈ సినిమాలో బాలీవుడ్ స్టార్ హీరో సల్మాన్ ఖాన్, లేడీ సూపర్ స్టార్ నయనతార, పూరి జగన్నాధ్, సునీల్, సత్యదేవ్ తదితరులు ఈ సినిమాలో కీలక పాత్రలో కనిపించనున్నారు. ప్రస్తుతం షూటింగ్ చివరి దశలో ఉన్న గాడ్ ఫాదర్ చిత్రానికి తమన్ సంగీతం అందించాడు.