by సూర్య | Thu, Aug 11, 2022, 10:26 AM

పటాస్, సుప్రీం, ఎఫ్ 2, రాజా ది గ్రేట్, సరిలేరు నీకెవ్వరూ, ఎఫ్ 3 ...ఇలా చేసే ప్రతి సినిమాతో సూపర్ డూపర్ హిట్లు కొడుతున్న డైరెక్టర్ అనిల్ రావిపూడి తో నటసింహం బాలకృష్ణ ఒక సినిమాకు కమిటైన విషయం తెలిసిందే. ప్రస్తుతం గోపీచంద్ మలినేని తో NBK 107(వర్కింగ్ టైటిల్) షూటింగ్ లో బిజీగా ఉన్న బాలయ్య ఆ సినిమా అయిపోయిన వెంటనే, అనిల్ రావిపూడి సినిమాను స్టార్ట్ చేస్తారు.
ఇందులో బాలయ్య నడివయసు తండ్రి పాత్రను పోషిస్తున్నాడని, ఆయనకు కూతురిగా యంగ్ హీరోయిన్ శ్రీలీల నటిస్తుందని, బిగ్ బాస్ ఓటిటి విన్నర్ బిందు మాధవి ఈ సినిమాలో కీలక పాత్రలో నటిస్తుందని అనిల్ ఇదివరకే తెలిపారు.
లేటెస్ట్ అప్డేట్ ప్రకారం, ఈ రోజు సాయంత్రం 04:28 నిమిషాలకు ఈ మూవీ నుండి ఒక సూపర్ అప్డేట్ రాబోతుందంట. ఇప్పటివరకు ఈ సినిమా నుండి ఎలాంటి అప్డేట్ లేదు. ఇదే ఫస్ట్ అప్డేట్ కావడంతో నందమూరి ఫ్యాన్స్ అందరూ ఎంతో కుతూహలంగా ఎదురుచూస్తున్నారు.