by సూర్య | Fri, Aug 05, 2022, 06:24 PM
నందమూరి కల్యాణ్ రామ్ నటించిన తొలి హిస్టారికల్ ఎంటర్టైనర్ "బింబిసార". రచయిత- డైరెక్టర్ వశిష్ట్ తెరకెక్కించిన ఈ మూవీ ప్రపంచవ్యాప్తంగా ఆగస్టు 5 వ తేదీన అంటే ఈ రోజే థియేటర్లలో విడుదలై హిట్ టాక్ తో రన్ అవుతుంది. ఇందులో క్యాథెరిన్ థెరెస్సా, సంయుక్త మీనన్, వారిన హుస్సేన్, వెన్నెల కిషోర్, బ్రహ్మాజీ, శ్రీనివాస రెడ్డి తదితరులు నటించారు. ఈ చిత్రానికి బ్యాక్ గ్రౌండ్ స్కోర్ ను ఎం.ఎం కీరవాణి అందించగా, పాటలను చిరంతన్ భట్ కంపోజ్ చేసారు. ఎన్టీఆర్ ఆర్ట్స్ బ్యానర్ పై కళ్యాణ్ రామ్, హరికృష్ణ కే ఈ చిత్రాన్ని నిర్మించారు.
లేటెస్ట్ అప్డేట్ ప్రకారం, బింబిసార డిజిటల్ స్ట్రీమింగ్ పార్ట్నర్ ఖరారైనట్టు తెలుస్తుంది. ప్రముఖ జీ సంస్థ బింబిసార డిజిటల్ అండ్ శాటిలైట్ హక్కులను సొంతం చేసుకుందట.