by సూర్య | Fri, Jul 01, 2022, 10:21 AM

ఐకాన్ స్టార్ అల్లు అర్జున్ హీరోగా, క్రేజీ హీరోయిన్ రష్మిక మండన్న హీరోయిన్ గా సుకుమార్ దర్శకత్వంలో తెరకెక్కిన చిత్రం పుష్ప. గతేడాది విడుదలైన ఈ సినిమా ఎంతటి భారీ విజయాన్ని సాధించిందో ప్రత్యేకంగా చెప్పనవసరం లేదు. ఉత్తరాదిన పుష్ప సినిమా ఒక సంచలనం. అల్లు అర్జున్ మాస్ యాక్టింగ్, ఆయన మ్యానరిజం, దేవిశ్రీ ప్రసాద్ సంగీతం, సుకుమార్ టేకింగ్ ఈ సినిమాని ఆకాశమంత ఎత్తులో నిలబెట్టాయి. వీటికే ఉత్తరాది ప్రేక్షకులు ఫిదా అయిపోయారు.
వెండితెరపైనే కాక పుష్ప బుల్లితెరపై కూడా అద్భుతాలు చేస్తున్నాడు. టెలివిజన్ లో మొదటిసారి టెలికాస్ట్ అయినప్పుడు 22.5 టీఆర్పీని తదుపరి 12.8, 9.6 టీఆర్పీ రేటింగులతో దూసుకుపోతుంది. ఏదైనా కొత్త సినిమా తొలిసారి టెలికాస్ట్ అయితే, టిఆర్పి రేటింగ్ ఎక్కువగానే ఉంటుంది. కానీ పుష్ప సినిమాకు రెండోసారి, మూడోసారి కూడా అదే తరహాలో టిఆర్పి రావడం నిజంగా గ్రేట్.