భయపెడుతున్న "విక్రాంత్ రోణ" ట్రైలర్ ...!

by సూర్య | Thu, Jun 23, 2022, 06:53 PM

కన్నడ సూపర్ స్టార్ కిచ్ఛా సుదీప్ కొత్త చిత్రం విక్రాంత్ రోణ. అనూప్ భండారీ దర్శకత్వంలో ఫాంటసీ యాక్షన్ అడ్వెంచరస్ థ్రిల్లర్ గా ఈ సినిమా తెరకెక్కింది. సుదీప్ తో పాటు ఈ సినిమాలో నిరూప్ భండారీ, నీతా అశోక్ ప్రధాన పాత్రలు పోషించారు. 3D లో ప్రపంచవ్యాప్తంగా 19 ఆగష్టు 2021 విడుదలవ్వాల్సిన ఈ సినిమా పలు కారణాల వల్ల జూలై 28వ తేదీన విడుదలవడానికి సిద్ధమవుతోంది.
ప్రేక్షకులు ఎప్పటినుండో ఎదురుచూస్తున్న ఈ మూవీ ట్రైలర్ కొంచెంసేపటి క్రితమే విడుదలైంది. మూవీ నేపధ్యాన్ని మొత్తం ట్రైలర్ లోనే చూపించేసాడు దర్శకుడు. మారుమూల గ్రామానికి పోలీసాఫీసర్ గా వెళ్లిన సుదీప్ ఆ ఊరి ప్రజలను భయపెడుతున్న రహస్యాలను ఒక్కొక్కటిగా చేధిస్తాడు. ఈ క్రమంలో వీటన్నింటికి అతనే కారణమని తెలుసుకుంటాడు. బ్యాక్ గ్రౌండ్ మ్యూజిక్, ఫోటోగ్రఫీ చాలా బాగున్నాయి. డిఫరెంట్ వరల్డ్ కు తీసుకెళ్లిన ఈ ట్రైలర్ ఆద్యంతం ఉత్కంఠభరితంగా సాగింది. వెండితెరపై కూడా విక్రాంత్ మ్యాజిక్ చేస్తే ఈ సినిమాకు తిరుగుండదు.
తెలుగు, తమిళం, మలయాళ, కన్నడ, హిందీ భాషలలో రూపొందిన ఈ సినిమాను మేకర్స్ సుమారు 50దేశాలలో విడుదల చేయబోతున్నారు. జీ స్టూడియోస్, షాలిని ఆర్ట్స్ సంయుక్తంగా తెరకెక్కిస్తున్న ఈ సినిమాలో బాలీవుడ్ గ్లామర్ క్వీన్ జాక్వెలిన్ ఫెర్నాండెజ్ అతిధిగా కనిపించనున్నారు.


 

Latest News
 
ప్రముఖ నటుడు కిషోర్ దాస్ కన్నుమూత Sun, Jul 03, 2022, 10:53 PM
లారెన్స్ 'రుద్రుడు' మూవీ రిలీజ్ డేట్ ఫిక్స్ Sun, Jul 03, 2022, 10:26 PM
సత్యదేవ్ 'కృష్ణమ్మ' మూవీ ఫస్ట్ లుక్ పోస్టర్‌ రిలీజ్ Sun, Jul 03, 2022, 10:20 PM
ఓటిటిలో సందడి చేయనున్న `అంటే సుందరానికి` మూవీ Sun, Jul 03, 2022, 10:11 PM
నితిన్ 'మాచర్ల నియోజకవర్గం' మూవీ అప్డేట్ Sun, Jul 03, 2022, 10:00 PM