by సూర్య | Thu, Jun 23, 2022, 12:16 PM
కోలీవుడ్ స్టార్ హీరో తలపతి విజయ్ పుట్టినరోజు నిన్న జరిగింది. ఈ మేరకు పలువురు సినీ సెలెబ్రిటీలు, సన్నిహితులు, ఫ్యాన్స్ విజయ్ కు సోషల్ మీడియా ద్వారా పుట్టినరోజు శుభాకాంక్షలను తెలియచేసారు. విజయ్ బర్త్ డే సందర్భంగా ఆయన అభిమాన సంఘాలు ఘనంగా సంబరాలు చేసుకున్నారు. ఐతే, వీటన్నిటికీ దూరంగా విజయ్, తన కొత్త సినిమా "వారసుడు" సెట్స్ లోనే బర్త్ డే సెలెబ్రేషన్స్ జరుపుకున్నారట. నిన్నటితో 48వ పడిలోకి అడుగుపెట్టిన విజయ్, పుట్టినరోజు నాడు ఎలాంటి హంగూఆర్భాటాలకు పోకుండా చాలా సింపుల్ గా ఉన్నారట. సాధారణ రోజుల్లో షూటింగ్ లో పాల్గొన్నట్టే నిన్నకూడా వారసుడు షూటింగ్ లో పాల్గొన్నారట. ఈ విషయాన్ని వారసుడు చిత్రానికి సంగీతం అందిస్తున్న తమన్ ట్విట్టర్ ద్వారా తెలిపారు. డైరెక్టర్ వంశీ పైడిపల్లి, విజయ్ తో దిగిన ఫోటోను తమన్ ట్విట్టర్ లో పోస్ట్ చేసారు. దీంతో తమ అభిమాన హీరో బర్త్ డే ఇంత సింపుల్ గా జరిగిందా? అని విజయ్ ఫ్యాన్స్ షాక్ అవుతున్నారు.
Latest News