by సూర్య | Wed, Jun 22, 2022, 04:32 PM
టాలీవుడ్ మాస్ రాజా రవితేజ నటిస్తున్న కొత్త చిత్రం రామారావు ఆన్ డ్యూటీ. శరత్ మండవ దర్శకత్వంలో రూపొందుతున్న ఈ చిత్రంలో మజిలీ ఫేమ్ దివ్యాన్ష కౌశిక్, రజీషా విజయన్ హీరోయిన్లుగా నటిస్తున్నారు. వాస్తవానికి ఈ సినిమా ప్రపంచవ్యాప్తంగా జూన్ 17న విడుదల కావాల్సివుంది. కానీ, కొన్ని కారణాల వల్ల సినిమా విడుదల వాయిదా వేస్తున్నట్టు మేకర్స్ సోషల్ మీడియా ద్వారా ప్రకటించారు. శరత్ మండవ టేకింగ్ లో లోపాలు దీంతో పలు సీన్లను రీషూట్ చెయ్యడమే ఈ సినిమా ఆలస్యానికి కారణమని సోషల్ మీడియాలో నిన్నటి వరకు ప్రచారం జరిగింది.
తాజాగా ఈ రోజు రామారావు ఆన్ డ్యూటీ మేకర్స్ మూవీ రిలీజ్ డేట్ ను ఎనౌన్స్ చేస్తూ అఫీషియల్ పోస్టర్ ను రిలీజ్ చేసారు. శ్రీ లక్ష్మీ వెంకటేశ్వర సినిమాస్, RT టీం వర్క్స్ బ్యానర్ లపై సుధాకర్ చెరుకూరి నిర్మిస్తున్న ఈ చిత్రం జూలై 29న ప్రేక్షకుల ముందుకు రాబోతుంది. ఇప్పటివరకు విడుదలైన పోస్టర్లు, లిరికల్ సాంగ్స్ ప్రేక్షకుల్లో పాజిటివ్ వైబ్స్ ను క్రియేట్ చేసాయి.