by సూర్య | Wed, Jun 22, 2022, 02:44 PM

టాలీవుడ్ డైరెక్టర్, నేషనల్ అవార్డు విన్నర్ వంశీ పైడిపల్లి, కోలీవుడ్ స్టార్ హీరో విజయ్ తో ఒక సినిమాను చేస్తున్న విషయం తెలిసిందే. ఈ సినిమాలో విజయ్ సరసన నేషనల్ క్రష్ రష్మిక మండన్నా హీరోయిన్గా నటిస్తుంది. శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్న ఈ చిత్రానికి తమన్ సంగీతం అందిస్తున్నారు. తమిళ, తెలుగు భాషల్లో తెరకెక్కుతున్న ఈ సినిమాతో దిల్ రాజు కోలీవుడ్ నిర్మాణరంగంలోకి ప్రవేశిస్తున్నారు.
ఈరోజు విజయ్ పుట్టినరోజు కావడంతో తలపతి 66 మూవీ టైటిల్ పోస్టర్ ను నిన్ననే మేకర్స్ రివీల్ చేసారు. గతంలో వచ్చిన పుకార్ల ప్రకారమే తమిళంలో ఈ సినిమాకు "వారసి", తెలుగులో "వారసుడు" అనే టైటిల్స్ ను ఖరారు చెయ్యడం జరిగింది. నిన్న రిలీజ్ చేసిన పోస్టర్ లో విజయ్ సూటు బూటు ధరించి, మంచి క్లాస్ లుక్ లో సూపర్ హ్యాండ్సమ్ గా ఉంటే, తాజాగా రిలీజ్ చేసిన ఈ సెకండ్ పోస్టర్ లో క్యాజువల్ వేర్ లో చిన్న పిల్లలతో కలిసి ఎంటర్టైన్ అవుతున్నట్టు కనిపిస్తున్నాడు. వచ్చే ఏడాది సంక్రాంతికి వారసుడు హంగామా చెయ్యనున్నాడు.