ఆది సాయికుమార్ బ్లాక్ మూవీ ట్రైలర్ రిలీజ్

టాలీవుడ్ యంగ్ హీరో ఆది సాయికుమార్ హీరోగా తెరకెక్కిన యాక్షన్ థ్రిల్లర్ బ్లాక్. ఇందులో దర్శనా బానిక్ హీరోయిన్. జీబీ కృష్ణ డైరెక్ట్ చేస్తున్న ఈ చిత్రానికి సురేష్ బొబ్బిలి సంగీతం అందించారు. మహంకాళి మూవీస్ బ్యానర్ పై మహంకాళి దివాకర్ ఈ చిత్రాన్ని నిర్మిస్తున్నారు. నేడు ఈ మూవీ ట్రైలర్ విడుదలైంది. ఇందులో ఆది యంగ్ పోలీసాఫీసర్ గా నటిస్తున్నారు. సిటీలో జరిగే మర్డర్లు, దొంగతనాలను ఆది ఎలా ఛేదించాడు అనే అంశంతో ఈ సినిమా తెరకెక్కినట్టు తెలుస్తుంది. ట్రైలర్ ఆద్యంతం ఎక్సయిటింగ్ గా సాగింది. టైం లూప్ నేపథ్యంలో ఈ సినిమా నడుస్తుందని తెలుస్తుంది.

ఈ చిత్రంలో ఆమని, సూర్య, బిగ్ బాస్ ఫేమ్ కౌశల్ మందా, పృథ్విరాజ్, సత్యం రాజేష్, తాగుబోతు రమేష్, శ్యామ్ కృష్ణన్ తదితరులు నటిస్తున్నారు. ఈ చిత్రానికి డీవోపీ సతీష్ ముత్యాల, ఎడిటర్ అమర్ రెడ్డి. ఈ మూవీ విడుదల తేదీపై చిత్రబృందం త్వరలోనే అధికారిక ప్రకటన వెలువరించనుంది.