ఫన్ వే లో సమాజానికి మెసేజ్ ఇచ్చే చిత్రం ఎఫ్ 3: దేవి శ్రీ ప్రసాద్

by సూర్య | Sat, May 21, 2022, 12:08 PM

టాలీవుడ్ సక్సెస్ఫుల్ డైరెక్టర్ అనిల్ రావిపూడి, తన డైరెక్షన్లో వచ్చిన ఎఫ్ 2 సినిమాకు సీక్వెల్ 'ఎఫ్ 3' ని చేస్తున్నారన్న విషయం తెలిసిందే కదా. విక్టరీ వెంకటేష్, మెగా ప్రిన్స్ వరుణ్ తేజ్ లీడ్ రోల్స్ లో నటించిన మల్టీస్టారర్ గా ఎఫ్ 3 చిత్రం తెరకెక్కింది. ఇందులో వెంకటేష్ కు జంటగా మిల్కీ బ్యూటీ తమన్నా, వరుణ్ కు జోడిగా మెహ్రీన్ నటించారు. షూటింగ్ పూర్తి చేసుకుని విడుదలకు సిద్ధంగా ఉన్న ఈ చిత్రం మే 27న ప్రేక్షకులను పలకరించడానికి సిద్దపడింది. దీంతో గత కొద్దిరోజుల నుండి మూవీ ప్రమోషన్స్ లో బిజీగా ఉన్నారు చిత్రబృందం. ఈ సినిమాకు సంగీతం అందించిన దేవి శ్రీ ప్రసాద్ ఒక ఇంటర్వ్యూలో మాట్లాడుతూ ఎఫ్ 3 మూవీలో టాలీవుడ్ హాస్య ప్రసిద్ధులైన జంధ్యాల,  ఈవీవీ సత్యనారాయణ ల మార్కు కామెడీ ఉంటుందని చెప్పారు. అనిల్ రావిపూడి ఎఫ్ 3 మూవీ స్క్రిప్ట్ ను చాలా గొప్పగా రచించారు, అంతకన్నా గొప్పగా తెరపైకి తీసుకొచ్చారని చెప్పారు. ఎలాంటి డబుల్ మీనింగ్ డైలాగులు లేని, చాలా ఆరోగ్యకరనైన కామెడీతో ఒక మంచి మెసేజ్ ను ఎఫ్ 3 లో చూపించారని డీఎస్పీ పేర్కొన్నారు. డైరెక్టర్ అనిల్ రావిపూడితో పని చేస్తే అస్సలు టెన్షన్ అన్న మాట ఉండదని చెప్పారు. ఎఫ్ 2 తరహాలోనే ఎఫ్ 3లో కూడా సిట్యుయేషన్ కు తగ్గట్టు మంచి పాటలు కుదిరాయని, ప్రేక్షకులకు చాలా బాగా కనెక్ట్ అవుతాయని దేవిశ్రీప్రసాద్ తెలిపారు.

Latest News
 
సూర్య కొత్త సినిమాపై అప్‌డేట్ Fri, Mar 29, 2024, 02:24 PM
లాంగ్ బ్లాక్ గౌన్ లో బుట్టబొమ్మలా రష్మీ Fri, Mar 29, 2024, 01:44 PM
మూవీ రివ్యూ: “టిల్లు స్క్వేర్” Fri, Mar 29, 2024, 12:45 PM
నేడు విడుదలకి సిద్ధమైన ‘గాడ్జిల్లా అండ్‌ కాంగ్‌’ Fri, Mar 29, 2024, 12:03 PM
ఏప్రిల్ 22న టైటిల్ చెబుతాం Fri, Mar 29, 2024, 12:01 PM