పండంటి మగబిడ్డకు జన్మనిచ్చిన నటి సంజనా గల్రాని

సంజనా గల్రాని పండంటి మగబిడ్డకు జన్మనిచ్చింది. ఇటీవల సంజనా సీమంతం ఫోటోలు, బేబీ బంప్ ఫోటోలు సోషల్ మీడియాలో వైరల్ అయ్యాయి. సంజనా ను ట్రీట్ చేసిన డాక్టర్ శిల్పిరెడ్డి ఈ విషయాన్ని తన సోషల్ మీడియా ఖాతాలో షేర్ చేసింది. ఈ మేరకు హాస్పిటల్ బెడ్ పై సంజనా తో కలిసి దిగిన సెల్ఫీ ను పోస్ట్ చేసి ఇట్స్ ఏ బేబీ బాయ్ ... అంటూ కామెంట్ చేసింది.

పాన్ ఇండియా స్టార్ ప్రభాస్ 2008లో నటించిన బుజ్జిగాడు చిత్రం తో సంజనా తెలుగు తెరకు పరిచయమైంది. ఆ తర్వాత పలు తెలుగు, కన్నడ, మలయాళ చిత్రాల్లో నటించింది. దండుపాళ్యం 2 లో సంజన పాత్రకు మంచి గుర్తింపు వచ్చింది. తన చిరకాల స్నేహితుడు డాక్టర్ అజిష్ పాషా ను 2020 మే లో సీక్రెట్ గా పెళ్లి చేసుకున్న సంజనా ఆ విషయాన్ని 2021 జూలై లో డాక్టర్స్ డే సందర్భంగా అధికారికంగా ప్రకటించింది. హీరోయిన్ నిక్కీ గల్రాని, సంజనా ఇద్దరూ అక్కాచెల్లెళ్లు. నిన్ననే నిక్కీ గల్రాని వివాహం హీరో ఆది పినిశెట్టితో ఘనంగా జరిగింది.