by సూర్య | Sat, May 14, 2022, 11:17 AM

టాలీవుడ్ ఇండస్ట్రీలో దాదాపు అందరు సెలెబ్రెటీలకు సొంత ఇళ్ళు, విల్లాలు ఉన్నాయి. ఒక వేళ అద్దె అపార్టుమెంటుల్లో ఉంటున్నా తమ టేస్టుకు తగ్గట్టు ఇంటీరియర్ డిజైనింగ్ చేయించుకునేందుకు బాగానే ఖర్చు పెడుతున్నారు. రీసెంట్ గా నాచురల్ స్టార్ నాని కూడా హైదరాబాద్ లోనే పెద్ద ఇల్లు కట్టుకున్నాడు. కొన్నాళ్ల క్రితమే తన అభిరుచికి తగ్గట్టు పెద్ద ఇంటిని కట్టుకుని, కుటుంబంతో సహా అక్కడే ఉంటున్నాడు రౌడీ హీరో విజయ్ దేవరకొండ. ఇప్పుడు అది కాకుండా హెదరాబాద్ లోనే మరో పెద్ద ఇంటిని తీసుకునే ప్లాన్ లో ఉన్నాడట. కుదిరితే ఆ ఇంట్లోకి సోలోగా మకాం మార్చేద్దామని అనుకుంటున్నట్టు టాలీవుడ్ లో వార్తలు వినిపిస్తున్నాయి. టాలీవుడ్ కన్నా బాలీవుడ్ లో ఇలాంటి ధోరణి ఎక్కువగా కనిపిస్తుంటుంది. సెలెబ్రిటీలు తమ కుటుంబానికి దూరంగా మరో ఇంటిలో వేరుగా ఉంటుంటారు. హీరోలైనా, హీరోయిన్లైనా కుటుంబానికి తమ సినిమాల వల్ల ఎలాంటి ఇబ్బంది కలగకూడదని ఇలా చేస్తుంటారు. విజయ్ కూడా ఈ ఆలోచనతోనే మరో ఇంటికి వెళ్ళబోతున్నాడని అంతా అనుకుంటున్నారు. మరి ఈ వార్తలో ఎంతవరకు నిజముందో తెలియాల్సి ఉంది.